STATUT TA' L-ASSOCJAZZJONI TAL-PULIZIJA TA' MALTA

ARTIKOLU 1

1.1 Qeghda b’dan titwaqqaf Assocjazzjoni li tkun maghrufa bhala l-Assocjazzjoni tal-Pulizija ta’ Malta , hawnhekk izjed ’il quddiem imsejjha "L-Assocjazzjoni", taht l-istatut prezenti, stabbilita skond il-ligi taht l-Ordinanza dwar il-Pulizija ta’ Malta u sussegwentament riaffermata bil-Att Dwar il-Pulizija Kapitlu 164.

1.2 Kull kelma jew frazi f’dan l-Istatut ghandu jkollha l-istess tifsir bhalma hu moghti lilha fl-Att dwar il-Pulizija, kemm-il darba r-rabta tal-kliem ma tkunx tehtieg xort’ohra.

ARTIKOLU 2

(Ghanijiet u objettivi)

2.1 L-ghanijiet u l-objettivi ta’ l-Assocjazzjoni jkunu dawk imfissra fl-Att dwar il-Pulizija u, b’mod partikolari:

2.1.1 it-tharis u t-titjib tal-kondizzjonijiet ta’ l-impjieg tal-membri, u l-promozzjoni ta’ l-interessi taghhom, b’riferenza partikolari ghall-partecipazzjoni ta’ l-assocjazzjoni fil-Bord tal-Pulizija ghan-Negozjar, kif stabbilit taht l-Att dwar il-Pulizija jew kull bord iehor relatat; irrapprezentanza ta’ l-interessi tal-membri f’diskussjonijiet man-naha ufficjali tal-Korp tal-Pulizija;

2.1.2 li joghla l-livell intellettwali, morali u professjonali tal-membri;

2.1.3 it-trawwim u l-izvilupp ta’ relazzjonijiet bejn membri kollegi, u ex-membri tal-Korp tal-Pulizija ta’ Malta ;

2.1.4 it-titjib tal-benesseri tal-membri tal-Korp u ta’ ddipendenti taghhom, permezz ta’ dawk is-servizzi li jkunu jistghu jinghataw minn zmien ghal zmien, inkluzi poloz ta’ l-assigurazzjoni kollettivi;

2.1.5 l-ghoti ta’ pariri u ghajnuna lil membri individwali fl-procedimenti dixxiplinari;

2.1.6 it-twaqqif u l-amministrazzjoni ta’ fond jew fondi bil-ghan li jigu pprovduti attivitajiet edukattivi, ta’benesseri, kulturali u socjali;

2.1.7 il-kiri, t-tehid b’kera, ix-xiri, jew xort’ohra l-akkwist ta’ proprjetà u / jew ufficcji ghall-finijiet ta’ l-Assocjazzjoni;

2.1.8 li tkun proprjetarja u amministratrici ta’ proprjetà u fondi, u fl-esekuzzjoni ta’ l-ghanijiet u l-objettivi taghha, tista’ timpjega persunal u konsulenti, u li taghmel dak kollu li hu mehtieg, ancillari, jew li jwassal ghall-kisba ta’ dawk l-ghanijiet u objettivi.

ARTIKOLU 3

(Is-Shubija)

3.1Is-shubija ghandha tkun volontarja u ghandha tkun miftuha ghall-Ufficjali tal-Pulizija kollha.

3.2 Kull Ufficjal tal-Pulizija ghandu jitqies li huwa membru ta’ l-Assocjazzjoni, bhalma kien fil-gurnata li tigi qabel id-data tal-bidu fis-sehh ta’ dan l-Istatut.

3.3 Kull Ufficjal tal-Pulizija jista’ jaghzel li jirrizenja minn membru ta’ l-Assocjazzjoni wara d-data tad-dhul fis-sehh ta’ dan l-Istatut.

 3.4 L-ishubija tintemm awtomatikament:

 3.4.1 mal-mewt;

 3.4.2 meta persuna ma tibqax membru fil-Korp;

 3.4.3 fil-kaz li xi membru ma jkunx ikkontribwixxa ghas-shubija tieghu ghal erba’ darbiet wara xulxin;

3.4.4 meta persuna ttemm is-shubija volontarjament.

3.5 Biex membru jerga’ jiddahhal mill-gdid dan ghandu jkun hallas l-arretrati kollha li jkun ghadu ma hallasx sa dakinhar li jkun naqas li jhallas.

ARTIKOLU 4

 (Il-Mizata)

4.1 Il-mizata ta’ membru tkun dovuta u tithallas kull tliet xhur bil-quddiem.

4.2 Il-mizata tkun dik li l-Konferenza Generali tistabbilixxi b’vot ta’ maggoranza semplici.

4.3 Il-mizata ghandha tithallas mill-membri hekk kif il-Konferenza Generali tista’ tistabbilixxi, lit-tezorier. 

ARTIKOLU 5

5.1 L-ufficcju ta’ l-Assocjazzjoni jkun fil-Kwartieri Generali tal-Pulizija jew f’kull tali indirizz iehor kif jigi deciz skond dan l-Istatut.

5.2 Is-sigill ghandu jkun jinkludi l-emblema ta’ l-Assocjazzjoni tal-Pulizija ta’ Malta .

ARTIKOLU 6

(Drittijiet u Obbligi tal-membri)

6.1 Il-membri kollha ghandhom dritt jeleggu u li jigu eletti fl-Assocjazzjoni.

6.2 Membru jkun marbut b’dan l-Istatut u bid-decizjonijiet li jintlahqu skond il-process demokratiku intern.

6.3 Membru ghandu jibqa’ jhallas il-mizata ghas-shubija tieghu skond ma tkun stabbilita minn zmien ghal zmien mill-Assocjazzjoni.

ARTIKOLU 7

( Shubija barranija jew kuntatti )

7.1 L-Assocjazzjoni tista’ tibqa’ tkun membru tal-Kunsill Ewropew ta’ Unions tal-Pulizija (C.E.S.P.) skond l-Istatut taghha.

7.2 L-Assocjazzjoni ghandha tibqa’ zzomm dawk il-kuntatti ma’ Assocjazzjonijiet tal-Pulizija barranin biex iggib ’il quddiem lideali taghha.

ARTIKOLU 8

( Organi ta’ l-Assocjazzjoni )

8.1 L-organi ta’ l-Assocjazzjoni jkunu:

8.1.1 : il-Konferenza Generali

8.1.2 : il-Kumitat Ezekuttiv.

 ARTIKOLU 9

( Il-Konferenza Generali )

9.1 L-oghla organu ta’ l-Assocjazzjoni jkun il-Konferenza Generali li ghandha teleggi l-Kumitat Ezekuttiv, u li tkun il-korp ewlieni li jifformola l-politika ta’ l-Assocjazzjoni.

9.2.1 Ikun hemm Konferenza Generali Annwali, li ghandha tezamina u tadotta r-Rapport Annwali tal- Kumitat Ezekuttiv, u tezamina u tapprova l-Kontijiet Annwali. Tista’ titlaqqa Konferenza Generali Straordinarja skond il-htiega b’talba maghmula lis-Segretarju Generali.    

F’kaz ta’ nuqqas ta’ approvazzjoni tal-Kontijiet Annwali u/jew addottazzjoni tar-Rapport Anwali

(a) jekk hija l-ahhar Konferenza Generali li fiha ghandu jinhareg il-writ ta’ l-elezzjoni, jibqghu hekk mhux approvati jew addottati u jigu re-sottomessi fil-Konferenza Generali gdida;

(b) fi kwalunkwe kaz iehor ta’ nuqqas ta’ approvazzjoni jew addottazzjoni, ghandu jinhatar mill-Konferenza Generali kumitat Ad Hoc ta’ tlett min nies sabiex jezamina u jirrapporta dwar il-kwestjonijiet hekk imqajjma u d-decizzjoni tieghu tkun finali, daqs li kieku giet approvata mill-Konferenza Generali, liema rapport ghandu jsir fi zmien xahar. Dan ir-rapport ghandu jkun mgharraf lill-Konferenza Generali Straordinarja imsejjha ghalhekk.

9.2.2 It-terminu ta’ zmien tal-Konferenza Generali u l-Kumitat Ezekuttiv ghandu jkun ta’ tliet snin

9.2.3 Il-Konferenza Generali Annwali ghandha ssir sa mhux aktar tard mill-ewwel tlett xhur tas-sena.

9.3 Il-Konferenza Generali ghandha tkun maghmula mill-Kummissarju, Deputat Kummissarju, zewg Assistenti Kummissarji, zewg Supritendenti, erbgha Spetturi, zewg Surgenti Magguri, tmin Surgenti, tmin Kuntistabbli, li ghandhom jigu eletti sa mhux aktar tard minn xahar wara li titlaqa’ l-Konferenza Generali Annwali.

9.4 Ic-Chairman ghandu jippresjedi d-diskussjonijiet tal-konferenza; meta ma’ jkunx hemm hu, is-Segretarju Generali; meta la jkun hemm wiehed lanqas l-iehor, persuna li tinhatar mill-Kumitat Ezekuttiv

9.5 Il-Konferenza Generali ghandha ssir fil-post, jum u hin stabbiliti u decizi mill-Kumitat Ezekuttiv. Il-quorum ikun ta’ nofs l-ghadd tal-membri u wiehed aktar, jew wara nofs siegha mill-hin stabbilit dawk, il-membri prezenti.

9.6 L-agenda ghall-Konferenza Generali ghandha tigi mhejjija mill-Kumitat Ezekuttiv u ghandha titqassam mill-anqas xahar bil-quddiem qabel il-jum stabbilit. Kull decizjoni ghandha tittiehed b’maggoranza semplici. L-agenda ghall-Konferenza Generali Straordinarja ghandha tigi mhejjija mill-Kumitat Ezekuttiv u ghandha titqassam mill-anqas gimgha qabel il-jum stabbilit

9.7 Id-delegati jistghu fi zmien hames t’ijiem minn mindu jircievu in-notifika ta’ l-agenda jitolbu li titpogga xi mozzjoni / proposta fuq l-agenda liema talba trid titqassam lid-delegati kollha permezz tas-Segretarju Generali mhux aktar tard minn ghaxar t’ijiem qabel id-data tal-Konferenza Generali

 9.8 Kull membru ta’ l-Assocjazzjoni jista’ jitlob li titpogga mozzjoni / proposta fuq l-Agenda permezz ta’ delegat.

 ARTIKOLU 10

( IL-Kumitat Ezekuttiv)

10.1 Il-Kumitat Ezekuttiv ghandu jkun maghmul minn Chairman, Segretarju Generali, Tezorier u membru minn kull rank, wara li jkunu gew eletti waqt il-Konferenza Generali.

10.2 Ir-rizenji mill-Kumitat Ezekuttiv iridu, jinghataw bil-miktub lis-Segretarju Geenrali, sa kemm ma’ jkunux dawk dovut skond l-artiklu 3.4 u kull vakanza li tirrizulta minnhom ghandha timtela’ bil-procedura ta’ elezzjoni b’ghazla sa l-elezzjonijiet li jkun imiss.

10.3 Il-Kumitat Ezekuttiv ikun responsabbli ghall-amministrazzjoni kif imiss tal-flejjes kollha, u ghal dan il-ghan ghandu jitlob u janalizza rapport finanzjarju ta’ l-Assocjazzjoni kull sitt xhur. Il-Kumitat Ezekuttiv ghandu iressaq rapporti u osservazzjonijiet u jwettaq jew jaghmel arrangamenti ghal negozjati ma’ l-awtoritajiet kompetenti. Ir-rapprezentanza guridika ta’ l-Assocjazzjoni ghandha tkun vestita fil-Kumitat Ezekuttiv

10.4 Il-Kumitat Ezekuttiv jista’ jiddelega lil xi rapprezentant wiehed jew aktar biex iwettqu kull tali dmir jew parti minnu.

10.5 Il-Kumitat Ezekuttiv ghandu jimplimenta d-decizjonijiet adottati fil-Konferenza Generali

10.6 Il-Kumitat Ezekuttiv ghandu jiltaqa’ daqstant spiss daqskemm iqis li jkun mehtieg biex iwettaq in-negozju tieghu b’mod efficjenti. Il-quorum ikun ta’ nofs l-ghadd tal-membri u wiehed aktar, jew wara nofs siegha mill-hin stabbilit, il-membri prezenti

 10.7 Il-mozzjonijiet jistghu jigu pprezentati mill-Kumitat Ezekuttiv jew jinghatawlu minn kull delegat li ghandu jkun sekondat minn membru delegat iehor u ghandhom jigu mmwassla lill-membri kollha mill-anqas ghaxart ijiem qabel il-Konferenza Generali

10.8 Il-Kumitat eżekuttiv tal-Assoċjazzjoni tal-Pulizija, ikollu s-saħħa li jieħu miżuri mingħajr ma jikkonsulta mal-membri tal-Konferenza Ġenerali.

ARTIKOLU 11

(Kummissjoni Elettorali / Elezzjonijiet)

11.1 Ghandu jkun hemm Kummissjoni Elettorali li tkun mahtura mill-Kummissarju tal-Pulizija sabiex tmexxi u tiehu hsieb l-elezzjonijiet imsemmija f’dan l-istatut. Din il-Kummissjoni Elettorali ghandha tkun maghmula minn :- Assistent Kummissarju li jkun ic-Chairman, Supritendent, Spettur, Surgent Maggur, Surgent u Kuntistabbli. Dawn ghandhom ikollhom is-sostituti taghhom. Jekk min jintagħżel sabiex jaghmel parti mill-Kummissjoni Elettorali ser ikun kandidat ghall-elezzjoni dan m’ghandux jiehu sehem f’din il-Kummissjoni Elettorali

11.2 Is-Segretarju Generali jkun l-awtorita’ li johrog writ ta’ l-elezzjonijiet u ghandu jitlob lill-Kummissarju tal-Pulizija sabiex tigi kostitwita l-Kummissajoni Elettorali skond l-artikli precedenti u l-Kummissarju tal-Pulizija jaghti l-awtorita’ tieghu sabiex il-Kummissjoni Elettorali torganiza dawn l-elezzjonijiet skond dan l-istatut

11.2.1 Is-Segretarju Generali ghandu johrog il-writ ta’ l-elezzjonijiet (a) fuq talba tal-Kumitat Ezekuttiv; (b) f’kaz li ma hemmx Kumitat Ezekuttiv skond l-istatut ; u (c) fl-gheluq ta’ tlett snin mill-ahhar elezzjoni

11.3 Il-Kummissjoni Elettorali tkun indipendenti fit-tmexxija, organizzazzjoni u fl-amministrazzjoni ta’ dawn l-elezzjonjiet. Il-Kummissjoni Elettorali ghandha tiltaqa’ sabiex torganizza l-logistika, tmexxija u r-rizultat ta’ l-elezzjoni. Id-Decizzjoni tal-Kummissjoni Elettorali dwar validita ta’ voti u ghadd, tkun finali

11.4 Minn hmistax i1-gurnata qabel id-data ta’ l-elezzjoni sa gimgha qabel l-elezzjoni min hu interessat sabiex jkun kandidat ghal-elezzjoni ta’ delegat ghall-Konferenza Generali ghandu japplika fil-formoli apposta ghand l-Ufficcju tar-Rizorsi Umani u jkun nominat minn zewg membri ta’ l-assocjazzjoni. Il-Kummissjoni Elettorali ghanda tivverifika dawn l-applikazzjonijiet ghal xi irregolaritajiet u tippubblika permezz ta’ messagg generali fuq is-sistema tal-Korp li kopja tieghu ghanda wkoll titwahhal fuq in-notice board ta’ l-ghasses u l-branki rispettivi kollha, l-ismijiet tal-Kandidati ghal informazzjoni ta’ kullhadd

 11.5 Il-jum stabbilit ta’ l-elezzjoni ghandu jkun il-jum tal-Gimgha (Friday), il-kaxxa/i tal-voti ghandhom jkunu fil-Kwartieri Generali u f’dawk il-postijiet li l-Kummissjoni Elettorali tiddeciedi u dan skond l-ammont ta’ membri.

11.5.1 L-ghadd tal-voti jsir il-gurnata ta’ wara l-elezzjoni jum is-Sibt.

11.5.2 L-elezzjoni ghal-Kumitat Ezekuttiv issir immedjatament wara li jkun maghruf ir-rizultat ghal-Konferenza Generali.  

11.5.3 Il-Kandidati jkollhom id-dritt li jsegwu l-ghadd tal-voti.

11.5.4 Il-hin ta’ votazzjoni ghandu jkun tali li kullhadd jkun jista jivvota liberament u ma’ jkunx impedut milli jivvota ghax ikun xoghol.

11.6 Il-Kummissjoni Elettorali ghandha tippubblika l-karti tal-voti. Il-ritratti tal-kandidati ghandhom jigu mwahhla fil-kamra fejn issir il-votazzjoni. L-ismijiet fuq il-karti tal-voti tas-Surgenti Magguri, tas-Surgenti u tal-Kuntistabblijiet ghandhom jkunu wara xulxin skond in-numru tar-rank. Il-karti tal-voti ta’ l-ufficjali ghandhom jkunu b’sistema alfabetika skond il-kunjom.

11.7 Kull rank jivvota ghad-delegati tal-istess rank waqt l-elezzjoni bhala delegat ghal-Konferenza Generali. Dan ma jghoddx waqt il-votazzjoni ghall hatra tal-Kumitat Ezekuttiv fil-kariga ta’ Chairman, Segretarju Generali , Tezorier u l-membri l-ohra tal-Kumitat Ezekuttiv. Ic-Chairman, Segretarju Generali u t-Tezorier jigu eletti mid-delegati li jkunu eletti mill-Konferenza Generali. Jekk ma’ jkunx hemm kontestazzjoni tal-karigi dawn jibqghu okkupati minn min ikun hemm qabel f’dak il-kariga, kemm il-darba l-individwu jaccetta u dan jekk jigi elett fil-Konferenza Generali.

11.8 In-numru ta’ delegati ghall-Konferenza Generali jkun kif hemm stipluat f’artiklu 9.3.

11.9 Is-sistema valida ta’ kif taghti l-preferenza tal-vot hi, billi jigu mmarkati b’numri min-numru wiehed sa kemm hemm kandidati ghal dak ir-rank partikolari. Min igib l-akbar preferenzi ta’ voti b’numru wiehed jigi elett bis-sekwenza ta’ l-ewwel ghadd (count). F’kaz illi l-ahhar post vakanti jkun hemm kandidati bl-istess ghadd ta’ voti, jigu maghduda t-tieni preferenzi fil-karti tal-votazzjonijiet kollha ta’ dak ir-rank u min jgib l-aktar voti jigi elett.